عدالت نے بلیک لسٹ امریکی شہری کے جسمانی ریمانڈ کی استدعا مسترد کردی

7

راولپنڈی: عدالت نے بلیک لسٹ امریکی شہری میتھیو بیرٹ اور ایف آئی اے کے امیگریشن اہلکار احتشام الحق کی مزید جسمانی ریمانڈ کی استدعا مسترد کر تے ہوئے دونوں کو 14 روز کے لئے اڈیالہ جیل بھیج دیا۔

ایکسپریس نیوز کے مطابق بلیک لسٹ امریکی شہری میتھیو بیرٹ کو راولپنڈی میں سول جج نوید اقبال کی عدالت میں پیش کیا گیا۔ اس موقع پر ایف آئی اے کے تفتیشی افسر نے ملزم کے 5 روزہ جسمانی ریمانڈ کی استدعا کی جسے عدالت نے مسترد کرتے ہوئے ملزم میتھیو اور ایف آئی اے کے امیگریشن اہلکاراحتشام الحق کو 14 روزہ جوڈیشل ریمانڈ پر اڈیالہ جیل بھیج دیا۔

ایف آئی اے نے عدالت کو آگاہ کیا کہ میتھیو بیرٹ کو ویزا دینے والی ہوسٹن کی قونصلر سعدیہ الطاف کو نوٹس جاری کر دیا گیا ہے جنہیں 15 اگست کو پاکستان آکر شامل تفتیش ہونے کی ہدایت کی گئی ہے۔ ذرائع کے مطابق بلیک لسٹ امریکی شہری میتھیو بیرٹ اور امیگریشن اہلکاراحتشام الحق کی درخواست ضمانت کل دائر کی جائےگی۔

Leave a Reply